Taliyaha Ciidammada Booliiska Soomaaliya Oo La Kulmay Dhigiisa Dalka Turkiga

Taliyaha Ciidammada Booliiska Soomaaliyeed S/gaas Maxamed Sheekh Xasan Xaamud oo booqasho ku jooga dalka Turkiga ayaa kulan la qaatay dhigiisa dalka Turkiga Celalattin Lekesiz oo ay ka wada hadleen xiriirka iyo wadashaqeynta labada talis Booliis ee Soomaaliya iyo Turkiga.

 

La taliyaha koobaad ee safaaradda Soomaaliya ee dalka Turkiga Mudane C/qaadir Maxamed Nuur (Jaamac) ayaa u sheegay Radio Muqdisho in taliyaha Ciidammada Booliiska Soomaaliyeed uu uga mahad celiyey walaallaha Turkiga taageerrada ay siiyaan ciidammada Booliiska iyo guud ahaanba dowladda Soomaaliya.

 

Dhinaca kale Taliyaha Ciidammada Booliiska Soomaaliyeed S/gaas Maxamed Sheeh Xasan Xaamud ayaa kormeeray xarunta safaaradda Soomaaliya ee ku taalla magaalada Ankara ee dalka Turkiga iyo xarummo kale oo muhiim ah.

Comments

comments