Cumar C/rashiid oo ku sugan Kismaayo iyo kulamo uu la leeyahay Xubnaha labada Aqal ee Jubbaland si uu taageero uga helyo Xildhibaanada Jubaland iyo Putland oo is garabsanaaya!!

Ra’iisul Wasaaraha xilka haya Cumar C/rashiid ahna Musharax u taagan xilka Madaxweynaha ayaa ku sugan magaalada Kismaayo, halkaasoo uu kulan uu kula leeyahay Madaxda Jubbaland iyo xubnaha labada Aqal ee ka soo jeeda Jubbaland.
Kulankan ayaa ka socda mid ka mid ah Hotelada Kismaayo, waxaana ku sugan 51 xubnood ee ka tirsan Labada Aqal ee Jubbaland.
Ra’iisul Wasaare Cumar C/rashiid ayaa weydiistay xubnaha labada aqal ee Jubbooyinka inay taageeraan qorshihiisa siyaasadeed iyo Musharaxnimadiisa, isla markaana ay ka qeyb qaataan is bedelka la doonayo inuu ka dhaco dalka.
Cumar C/rashiid ayaa ka mid ah Musharaxiinta ugu xooggan ee ololaha weyn ugu jira sidii xilka madaxweynaha ugu guuleysan lahaayeen, waxaana dhowrkii todobaad ee u dambeeyay uu tagayay xarumaha maamul goboleedyada, sida Baydhabo, Kismaayo iyo Garowe.
Waxaa uu taageerada ugu badan ka raadinayaa Xildhibaanada ka soo jeeda Puntland iyo Jubbaland oo uu doonayo in codkooda ku xisaabtamo.
Madaxweynaha Jubbaland Axmed Madoobe ayaa taageersan Cumar C/rashiid, isagoo mar uu todobaadkii hore uu la kulmay Xildhibaanada labada Aqal ee Jubbaland u jeediyay inay taageeraan.
Jubbaland ayaa dhowaan soo dhameystirtay xubnaha Aqalka Hoose ee 43 Xildhibaan, iyadoo horay Baarlamaanka Jubbaland u doortay 8 xubnood oo aqalka sare ah.
Imaaraadka Carabta ayaa la rumeysan yahay inuu Cumar C/rashiid u yahay xulashada koowaad, iyadoo balan qaadyo u fidisay Maamul goboleedyada qaar sidii ay u taageeri lahaayeen boob.

Comments

comments