Matalayaasha Maamulada C/kariin Guuleed, Shariif Xasan iyo Cali Cosoble oo looga yeeray Addis Ababa!!

Itoobiya waxaa horay ugu sugnaay Wafuud kala mataleysay Khaatumo iyo Soomaaliland waxaana kulankaas uga horeeyay Cabdi waligaas oo umatalayaa Maamulka Putland maantana waxaa Itoobiya udhoofay Matalayaal kale!

Madaxda Maamul goboleedka Koofur Galbeed, Galmudug iyo Hirshabeelle ayaa maanta looga yeeray magaalada Addis Ababa ee dalka Itoobiya, kuwaasoo gelinkii dambe ee maanta hal diyaarad ka wada qaaday magaalada Muqdisho.
Warar lagu kalsoonaan karo ayaa sheegaya in safarka Shariif Xasan, C/kariin Xuseen Guuleed iyo Cali C/llaahi Cosoble uu la xiriiro arrimaha doorashooyinka si ee udoortaan Matalaay Soomaali madax unoqda.

Wararka ayaa sheegaya in Itoobiya ay dooneyso saddexda Musharax ay kala hadleyso sidii ay u taageeri lahaayeen Madaxweyne Xasan Sheekh.

Ilo wareedyo muhiim ah ayaa sheegaya in Madaxweynaha Puntland C/wali Gaas uu ku jiray Madaxda loo yeeray, balse uu ka cudur daar sameeyay una sheegay Itoobiya waxay usoo go´aamiso in uu aqbalsan yahay.

Dowladda Itoobiya ayaa dooneysa in Madaxda kala hadasho sidii ay u taageeri lahaayeen Madaxweyne Xasan Sheekh sidii dib loogu soo dooran lahaa.

Shariif Xasan iyo C/kariin Guuleed ayaa muddooyinkan isku mowqif ka ahaa arrimaha doorashooyinka, iyagoo taageeraya in C/rashiid Xidig ku soo baxo xilka Guddoomiyaha Baarlamaanka.

Wararka qaar ayaa sheegaya in Madaxweyne Xasan Sheekh iyo C/kariin Guuleed aanay sidii hore isku aheyn oo ay dhowr arrin oo doorashada ah ku kala aragti duwan yihiin, inkastoo aanay wali kala fogaan.

Sidoo kale Madaxweyne Xasan Sheekh iyo Cali C/llaahi Cosoble ayaa iyana ay kala shaki soo kala dhex gashay, kaddib marki xubno qaar oo mucaarad ku ah ay ku soo baxeen doorashooyinkii Aqalka Hoose ee lagu soo gaba gabeeyay Jowhar.
Itoobiya ayaa dhowaan u deyrisay Cumar C/rashiid taageero uu ka doonayay, iyadoo sidoo kale u cadeysay Imaaraadka Carabta mowqifkeeda ku aadan Musharaxa ay taageereyso oo ah Madaxweyne Xasan Sheekh.

Madaxweyne Xasan Sheekh ayaa labadii bil ee u dambeeyay tagay Addis Ababa saddex jeer ka badan, waxaana loo arkaa inay tahay dal si aad ah u taageeraya Xasan.

Shirka Madasha Wada-tashiga Qaran oo noqday mid lagu caajisay ayaa Madaxda ay ahaayeen kuwo ka kala maqnaa, iyadoo horay uga baaqsaday Axmed Madoobe, iyadoo markii dambe uu ku biiray Cumar C/rashiid, sidoo kale Shariif Xasan iyo C/kariin Guuleed ayaa iyana ku caajisay shirka, markii ay arkeen in ajanadayaal aanay iyaga quseyn shirka looga hadlayay.

Madaxda Madasha ayaa wali ka soo bixin jadwal rasmi ah, waxaana waxyaabaha shirka la isku haayo uu ka mid yahay arrinta Aqalka Sare ee Somaliland oo si gaar ah ay markan isugu hayaan Madaxweynaha Puntland iyo kuxigeenkiisa C/wali Gaas iyo C/xakiin Camey oo labaduba ku sugan Magaalada Muqdisho.

Comments

comments