14 ruux oo kamid ah dadkii ku dhaawacmay qaraxyadii muqdisho ka dhacay oo sacuudiga loo qaaday

Labaddii qarax ee ugu dambeeyay ee Muqdisho ka dhacay bishan barkaeysan ee Ramadaan ayaa galaaftay nolosha dad ka badan 40 qof, dhowr iyo afartan kalena wey ku dhaawacmeen.

Marka ay qaraxyadan oo kale dhacaan, waxaa dhaawacyo culus oo aan Somalia wax looga qaban karin ay ka soo gaaraan dad shacab ah.

Laakiin mararka qaar, waxaa tiro ka mid ah dhaawacyadaas loo qaadaa dalal dibadda ah, si loogu so daweeyo.

14 ka mid ah oo u badan dadkii ku dhaawacmay qaraxyadii ugu dambeeyay ee Muqdisho ka dhacay ayaa maanta loo qaaday dalka boqortooyada Sacuudiga.

Guddi uu u xilsaaray Ra’iisul  Wasaaraha Soomaaliya Xasan Cali kheyre ayaa soo Xulay dadkan kuwaas oo ku jiray qaar kamida Cuspitaalada Magaalada Muqdisho.

Dadka la qaaday oo qabay dhaawacyo halis ah oo dalka gudihiisa wax looga qaban waayay ayaa loo duuliyay dalka sacuudiga si loo soo daweeyo.

Agaasimaha  Cusbitaalka Madiina ee magaalada Muqdisho Dr Maxamed Yuusuf Oo xubin ka ah guddiga uu Ra’iisul wasaare Kheyre u xilsaaray soo xulista  Bukaannada ayaa sheegay in Dadkan xaaladooda Dalka waxba looga qaban waayey sidaasna ay ka liftay in Dalka dibaddiisa loo qaado.

Comments

comments